Inverno 2022 – Programa V

Inverno – Programa V

Programa

J. S. Bach (1685 – 1750)
– Concerto en la menor, BWV 1041 

A. Vivaldi (1678 – 1741)
· L’Estro Armonico, Op. 3: Concerto nº 8 RV 522 

A. Vivaldi (1678 – 1741)
· Concerto para frauta en do maior, RV 444

G. P. TELEMANN (1681 – 1767)
· Suite en la menor para frauta, corda e continuo TWV 50:A3

G. SAMMARTINI (1695 – 1750)
· Concerto para frauta en fa maior 

Data:  27 de maio, ás 20.00 h
Lugar: Concatedral-Basílica de Santa María de Vigo
Orquesra Barroca Vigo430

Dirección artística: Javier Escobar
Xerencia: María Alonso
Notas ao programa: David Rodríguez Cerdán

RESERVA DE ENTRADAS EN

reservas@vigo430.com 

NOTAS AO PROGRAMA

O derradeiro programa da tempada 2022 da OV430 terá como protagonísta á frautista holandesa Lucie Horsch, que con só 23 anos é unhas das mellores embaixadoras do seu instrumento na actualidade. Xunto con ela teremos tamén como directora-concertino a Sophie de Bardonnèche, membro de grupos como Le Consort ou Les Arts Florissants. Con elas, a orquestra barroca da OV430 desenrolará un fermosísimo programa con obras de Vivaldi, Telemann, Sammartini e Bach, con absoluto protagonismo da frauta de pico.
 
As entradas serán de balde, ainda que é necesario solicitarlas previamente ao correo reservas@vigo430.com
 

Lucie Horsch

Lucie Horsch (1999) aos seus 22 anos é unha apaixonada defensora do seu instrumento. Nena prodixio da frauta de pico e convertida nunha virtuosa do Barroco, Horsch é unha artista innovadora que aborda múltiples xéneros musicais e desenvolve novos repertorios cun talento extraordinario.

En 2020 recibiu o prestixioso Premio Holandés da Música, concedido polo Ministerio de Educación, Cultura e Ciencia dos Países Baixos. Esta tempada 2021-2022, foi nomeada ECHO Rising Star e, como tal, realizará unha xira polas salas máis prestixiosas de Europa.

Entre as súas actuacións recentes destacan os debuts coa Real Orquestra do Concertgebouw baixo a dirección de Ton Koopman, a Orquestra Tonhalle con Jan Willem de Vriend ou a Orquestra Filharmónica de Hong Kong con Benjamin Bayl. Cabe remarcar tamén as xiras por Europa coa Academy of Ancient Music e Richard Egarr, a Orquestra Sinfonietta de Ámsterdan e por Xapón coa Orquestra B’Rock. Outras orquestras coas que traballou son a Orquestra de Cámara dos Ánxeles, a Orquestra de Cámara de Manitoba, o Ensemble LUDWIG, a Residentie Orkest, a Filharmónica de Arnhem, a Staatsorchester Kassel, a Orquestra de Cámara de Laponia, a Orquestra de Cámara de Uppsala, Combattimento, Apotheosis ou Anima Musicae.

En recital, forma un dúo co laudista francés Thomas Dunford, parella que foi invitada a actuar en lugares como o Wigmore Hall, a Philharmonie Essen ou o Concert Hall de Tokyo, entre outros.

Lucie é unha artista exclusiva de Decca Classics. O seu CD de debut, con concertos e outras obras de Vivaldi, recibiu o premio Edison Klassiek 2017. O seu segundo álbum Barroco Journey logrou o número un nas listas de música clásica do Reino Unido e foi galardoado co prestixioso premio OPUS KLASSIK en Alemaña en 2019.

Sophie de Bardonnèche

Sophie de Bardonnèche é unha apaixonada violinista barroca. A súa esixencia, a súa sensibilidade e o seu entusiasmo lévana a dar concertos como solista, músico de cámara, así como coas máis grandes agrupacións barrocas.

Despois dun máster na Schola Cantorum na clase de Amandine Beyer, Sophie creou o conxunto Le Consort con Justin Taylor e Théotime Langlois de Swarte. Explorando o repertorio da sonata para trío barroco, o conxunto gañou o Primeiro Premio en 2017, así como o Premio do Público no Concurso Internacional de Música Antiga do Val do Loira. As gravacións do grupo foron aclamadas unanimemente pola prensa francesa e internacional (Diapason d’or de l’année, Gramophone, FFFF de Telerama, Choc Classica). Tamén traballan regularmente con cantantes como Eva Zaïcik (Venez Chère Ombre e Royal Händel Records), Paul-Antoine Benos-Djian e Adèle Charvet. O Consort reside na Banque de France, a Fundación Royaumont e a Fundación Singer-Polignac.

Dende 2017, Sophie de Bardonnèche toca tamén co prestixioso conxunto Les Arts Florissants xunto a William Christie, participa como músico de cámara en xiras por todo o mundo en lugares como o Walt Disney Hall dos Ánxeles, o Barbican Center de Londres, a Ópera de Tokyo… Sophie tamén é invitada regularmente a dar concertos e gravar con moitos conxuntos de renome como Le Poème Harmonique, Jupiter e Le Concert Spirituel.

Paralelamente á súa tempada de concertos (Théâtre des Champs Élysées, xira Royal Händel en Verona (Italia), Estrasburgo, París, xira con Les Arts Florissants, etc.), Sophie de Bardonnèche publicará con Le Consort unha nova gravación, Specchio Veneziano, dedicado ás sonatas nun trío de Vivaldi e Reali (Diapason d’or, novembro de 2021).

Sophie toca un violín Antonius & Hieronymus Amati de 1596, cortesía da Jumpstart Junior Foundation, Sparey Collection.